‘ರಚನಾ ಪ್ರಶಸ್ತ್ಯೊ 2023-25’ – ನಾಮ್‌ಪತ್ರ್/ ಅರ್ಜೆ ಆಪವ್ಣೆಂ

ಮಂಗ್ಳುರ್: ರಚನಾ, ಕಥೊಲಿಕ್ ಚೇಂಬರ್ ಆಫ್ ಕಾಮರ್ಸ್ ಆ್ಯಂಡ್ ಇಂಡಸ್ಟ್ರಿ, 2023-25 ವರ‍್ಸಾಕ್ ಮಂಗ್ಳುರ್ ದಿಯೆಸೆಜ್ ಮೂಳಾಚ್ಯಾ, ತಾಂತಾಂಚ್ಯಾ ಶ್ಹೆತಾಂತ್ ಶಾತಿ-ಸಾರ‍್ತಿ ದಾಕವ್ನ್ ಸಾಧನ್ ಕೆಲ್ಲ್ಯಾ ಕಥೊಲಿಕಾಂಕ್ ಪ್ರಶಸ್ತಿ ದೀವ್ನ್ ಮಾನ್ ಕರುಂಕ್ ನಾಂವ್ ಪತ್ರಾಂ/ ಅರ್ಜ್ಯೊ ಆಪಯ್ತಾ. ಹ್ಯಾ ಸಕಯ್ಲ್ ದಾಕಯಿಲ್ಲ್ಯಾ ಪಾಂಚ್ ವಿಭಾಗಾಂನಿಂ ಪ್ರಶಸ್ತ್ಯೊ ಪ್ರದಾನ್ ಜಾತಲ್ಯೊ.

1. ರಚನಾ ಕೃಷಿಕ್
2. ರಚನಾ ಉದ್ಯಮಿ
3. ರಚನಾ ವೃತ್ತಿಪರ್ (ವಯ್ಜ್, ವಕೀಲ್, ಇಜ್ನೆರ್, ಚಾಟರ್ಡ್ ಎಕಾಂವ್ಟೆಂಟ್)
4. ರಚನಾ ಅನಿವಾಸಿ ಉದ್ಯಮಿ/ ವೃತ್ತಿಪರ್
5. ರಚನಾ ವಿಶೇಸ್ ಸ್ತ್ರೀ ಸಾಧಕಿ (ಉದ್ಯಮಿ, ವೃತ್ತಿಪರ್, ಕೃಷಿಕ್)

ಪ್ರಶಸ್ತಿ – ಬಿರುದ್, ಮಾನ್‌ಪತ್ರ್, ಯಾದಿಸ್ತಿಕಾ, ಪರ್ಗಟ್ ಸನ್ಮಾನ್ ಆಟಾಪ್ತಾ.

ಶಿಫಾರಸ್ ವಾ ನಾಮ್‌ಸೂಚಿ ಅರ್ಜ್ಯೊ- ತಸ್ವಿರೆ ಸಂಗಿಂ: ಅಧ್ಯಕ್ಷ್, ರಚನಾ, ಪಯ್ಲಿ ಮಾಳಯ್, ಪಿಯೊ ಮಾಲ್, ಜಯ್ಲ್ ರಸ್ತೊ, ಮಂಗ್ಳುರ್ 575 004 ಇಮೇಯ್ಲ್: rachanamangalore@gmail.com, ವಿಳಾಸಾಕ್ ಪಾವೊಂಕ್ ನಿಮಾಣಿ ತಾರಿಕ್ 31.5.2025

ವರಯ್ಣಾರಾಂಚಿ ಮಂಡಳಿ ಶಿಫಾರಸ್/ನಾಂವ್‌ಸೂಚಿತ್ ಅರ್ಜ್ಯೊ ತಜ್ವೀಜ್ ಕರ‍್ತಲಿ ಆನಿ ಫಾವೊ ಆಸ್ಲಲ್ಯಾಂಕ್ 5 ಪ್ರಶಸ್ತೆಂ ಖಾತಿರ್ ವಿಂಚ್ತಲಿ. ಹ್ಯೆ ಮಂಡಳೆಂತ್ 25 ಶಾತಿವಂತ್ ನಿಷ್ಪಕ್ಶ್ ವೆಕ್ತಿ ಜ್ಯೂರಿ ಮೆಂಬರ್ ಜಾವ್ನ್ ಆಸ್ತಲೆ.

2025 ಅಕ್ತೋಬ್ರ್ 05 ತಾರ‍್ಕೆರ್ ಆಯ್ತಾರಾ, ಸಾಂಜೆರ್ 6.00 ವೊರಾರ್, ಮಿಲಾಗ್ರಿಸ್ ಜ್ಯುಬಿಲಿ ಹಾಲ್, ಮಂಗ್ಳುರ್ ಹಾಂಗಾಸರ್ ಮಂಗ್ಳುರ್‌ಚೆ ಬಿಸ್ಪ್ ಭೋವ್ ಮಾ| ದೊ| ಪೀಟರ್ ಪಾವ್ಲ್ ಸಲ್ಡ್ಟಾನ್ಹಾ ಹಾಂಚ್ಯಾ ಅಧ್ಯಕ್ಷ್ ಪಣಾರ್ ಆನಿ ಹೆರ್ ಮುಕೆಲ್ ವೆಕ್ತಿಂಚೆ ಹಾಜ್ರೆಂತ್ ‘ರಚನಾ ಪ್ರಶಸ್ತ್ಯೊ’ ದಬಾಜಾನ್ ಪ್ರದಾನ್ ಜಾತಲ್ಯೊ. 

‘ರಚನಾ ಪ್ರಶಸ್ತಿ’ ವಿಶಿಂ ಚಡಿತ್ ಮಾಹೆತ್ ಆನಿ ವಿವರಾಕ್ ಸಕಾಳಿಂ 10 ಥಾವ್ನ್ ಸಾಂಜೆರ್ 4 ವೊರಾಂ ಪರ್ಯಾಂತ್ ರಚನಾ ದಫ್ತರಾಚೊ ಫೋನ್ ಸಂಖೊ: 83106 42093 / 99720 17484 ಹಾಕಾ ಸಂಪರ್ಕ್ ಕರುಂಕ್ ಪ್ರಕಟ್ಣೆಂತ್ ಕಳಯ್ಲಾಂ.

ಜೊನ್ ಬಿ. ಮೊಂತೇರೊ, ಅಧ್ಯಕ್ಷ್, ರಚನಾ, ಮಂಗ್ಳುರ್
ವಿಜಯ್ ವಿ. ಲೋಬೊ, ಕಾರ್ಯದರ್ಶಿ, ರಚನಾ, ಮಂಗ್ಳುರ್